Mangold Consulting ва Landgard компаниялари раҳбарлари билан музокаралар бўлиб ўтди

Ўзбекистон Республикасининг Берлиндаги элчихонаси ва Европа-Ўзбекистон иқтисодий ҳамкорлик уюшмаси (EUROUZ) кўмагида Германиянинг Mangold Consulting ва Landgard компаниялари раҳбарларининг навбатдаги ташрифи амалга оширилди.
Жорий йилнинг 30 сентябрь куни Ўзбекистон Республикаси Бош вазири Абдулла Арипов Mangold Consulting компанияси раиси доктор Клаус Мангольдни қабул қилди. Учрашув доирасида Ўзбекистон ва Германия ўртасидаги кўп қиррали ҳамкорликни янада ривожлантириш масалалари муҳокама қилинди.
Учрашувдан сўнг BMB Trade Group компанияси Кузатув кенгаши раиси Бекзод Маматқулов доктор Клаус Мангольд ва Mangold Consulting компанияси бошқарувчи директори Кристоф Мангольд, шунингдек, Landgard компанияси раҳбари жаноб Томас Биттел билан учрашди.
Музокаралар давомида томонлар ўзаро манфаатли ҳамкорликнинг истиқболли йўналишлари, қўшма инвестиция лойиҳаларини амалга ошириш, замонавий технологиялар ва ноу-хауларни жалб қилиш, шунингдек, Европа бозорига мамлакатимизда етишириладиган қишлоқ хўжалиги маҳсулотларини етказиб бериш билан боғлиқ бўлган масалаларни атрофлича муҳокама қилдилар.
Жумладан, германиялик ҳамкорлар Ўзбекистонда BMB Za’faron бренди остида етиштириладиган заъфарон, қуритилган мева ҳамда Европа бозорида юқори талабга эга бўлган бошқа турдаги маҳсулотларни экспортига катта қизиқиш билдирдилар.
Шу билан бирга, томонлар Германиянинг Remondis Group компанияси иштирокида Ўзбекистонда чиқиндиларни қайта ишлаш лойиҳасини амалга ошириш истиқболларини муҳокама қилдилар.
Умуман олганда, музокаралар конструктив ва ишбилармонлик муҳитида бўлиб ўтди.
Германиянинг Mangold Consulting ва Landgard компаниялари вакилларининг Ўзбекистонга ташрифи давом этмоқда.
Матбуот хизмати

Матбуот хизмати

Сиз учун энг сўнгги янгиликларни тақдим этишга, BMB Trade Group фаолиятига оид барча саволларга жавоб беришга ҳамда компания раҳбарияти билан учрашувларни ташкил этишга тайёрмиз.

Барча янгиликлар

Бизнинг ахборот бюллетенимизга обуна бўлинг

Ҳеч қандай спамсиз фақат компания фаолияти ҳақидаги долзарб ва қизиқарли янгиликлар тўплами юборилади